„Шверцери“ се огласија за скандалот во МНТ: Не уништувавме, пеевме и скандиравме!

Навивачката група Шкупи се огласи по повод скандалот во МНТ и тие тврдат дека ниту дивееле, ниту кршеле мебел…

Јавноста бурно реагираше на однесувањето на „Шверцери“ во МНТ и го осудуваат татково однесување во еден храм на култура.

После острите реакции од јавноста тие се огласија преку нивната Фејсбук страна. Во продолжение во целост ви го пренесуваме соопштението на „Шверцери“.

“ Во врска со информациите кои се појавија во медиумите за некакво наше “дивеење “ при прославата на 30 години постоење на навивачката група “ Шверцери“ мора да истакнеме дека е очигледна намерата да се оцрни ова навивачка група со невистинити информации шпекулации.

Вистината е дека ние како организирана група влеговме во објектот каде беше закажано одбележувањето на јубилејот, при што беше прикажан краток документарен филм за оваа навивачка група како и доделени признаници на еминентни личности од фудбалската живот кои го дале својот допринос за нашиот клуб.
Ние сме навивачи и навивањето а нашиот живот , нема друг начин на навивање од скандирање и пеење песни, тоа и го направивме таа вечер, без никакво дивеење , кршење, со ниту еден навредлив збор а камо ли говор на омраза.

Ги пеевме нашите навивачки песни и ги скандиравме имињата на личностите кои добија признаници , како го скандиравме името на нашиот Неџмедин Мемеди така го скандиравме и името на Ѓоре Јовановски , на Арѓенд Беќири и Гого Јовчев и на сите други.

Како влеговме организирано така и организирано излеговме од објектот на театарот и при излез проверивме да не случајно е направена некоја штета но не приметивме ништо такво.

Ова е вистината и сите други информации се само во правец на оцрнување на нашата навивачка група и шпекулирање со вистината.

Направивме се да бидеме добри гости на и нашиот театар!“