Македонскиот репрезентативец Дарко Чурлинов денес беше претставен во Шалке, каде ќе игра со дресот број 7.
Чурлинов доаѓа во легендарниот германски клуб на позајмица од Штутгат и не ја криеше својата среќа.
Му ги броиме деновите на Тен Хаг во Манчестер! ↓↓↓
„Многу сум среќен што се случи овој потег. Моите разговори со клубот беа многу добри што направи ова да биде лесна одлука. Како тим сакаме многу да постигнеме и сакам да придонесам за тоа“, изјави Чурлинов.
„Дарко е „ол-раунд“ напаѓач, одличен е еден на еден и лесно може да ја мине противничката дефанзива, може да биде постојана закана за длабока одбрана, силен е со двете нозе, така да неговиот стил многу добро ќе се вклопи во нашиот тим и многу сме задоволни што го имаме во нашите редови“, истакна спортскиот директор на Шалке.