Челси го доби најдоброто засилување ова лето

Италијанскиот стратег, Антонио Конте изминатото лето пристигна на клупата на Челси со која веќе во првата сезона стана англиски шампион.

Конте донесе нов стил во играта на Челси, а „Плавите“ веќе во првата сезона ги постави на пиедесталот во Англија. Иако на крајот од изминатата сезона се шпекулираше дека Конте би можел да го напушти Лондон и да се врати во Италија на крајот од тоа немаше ништо.

Челси денес на својата официјална страна потврди дека Конте го потпишал новиот договор со овој клуб, па сигурно е најголемото засилување за „Плавите“ ова лето. Италијанскиот стратег со тимот од „Стемфорд Бриџ“ потпиша нов двегодишен договор.

„Многу сум среќен што потпишав нов договор со Челси. Работиме силно да оствариме се тука и на тоа сум горд. Сега мораме да бидеме посилни, за да останеме на врвот. Среќен сум што останувам во Лондон уште две години“, истакна Конте.