Челзи спреми 60 милиони за ѕвездата на Милан

Левиот бек на Милан, Тео Хернандес е голема желба на раководството на Челзи, пренесуваат италијанските медиуми.

„Сините“ планираат да испратат понуда за 24-годишниот дефанзивец, кој игра одлично во Милан и се промовираше во еден од најдобрите леви бекови во Европа. 

Милан го купи Хернандес од Реал Мадрид за 20 милиони евра, но неговата цена драстично порасна после добрите партии на „Сан Сиро“.

Челзи е во потрага по лев бек после повредата на Чилвел и испратил понуда од 60 милиони евра за Французинот.

Последните информации од Италија се дека Тео Хернандес и Милан ја одбиле понудата бидејќи наскоро ќе ја продолжат соработката до 2026 година.

Il #Chelsea all’assalto di Theo #Hernandez: la risposta del #Milan e quei 60 milioni… https://t.co/5V8xsEJi99 pic.twitter.com/FXBi1clpUL

— calciomercato.com (@cmdotcom) December 29, 2021