Челзи пронајде начин да го задржи Еден Азар

Најдобриот фудбалер на Челзи, Еден Азар можеби ја игра својата последна сезона на „Стенфорд Бриџ“ бидејќи за него силен интерес покажува Реал Мадрид.

Медиумите веќе со недели шпекулираат за евентуалниот трансфер на Азар во Мадрид, а на Челзи ќе му биде тешко да одолее на богатата понуда од „кралевите“.

Меѓутоа, Роман Абрамович сака да го задржи Азар по секоја цена на „Стенфорд Бриџ“, а медиумите пренесуваат дека пронашол начин да ја оствари својата намера.

Имено, „сините“ на Азар ќе му понудат нов договор и неделна плата од 300.000 фунти, што ќе го направи втор најплатен фудбалер во Премиер лигата веднаш после Алексис Санчез.

Белгиецот има договор со Челзи до 2021 година и моментално заработува 220.000 фунти неделно, па останува да видиме дали ќе се согласи да стави потпис на нов договор или е одлучен во намерата да се пресели во Мадрид.