Челзи започна преговори со Кулибали

Претставниците на Челзи се сретнале со агентот на Калиду Кулибали, пренесуваат медиумите во Италија.

Кулибали беше идентификуван од „сините“ како алтернатива на Матијс де Лихт, кој беше најголема желба на Томас Тухел за одбраната, но се чини дека Холанѓанецот е многу блиску до трансфер во Баерн Минхен.

Челзи е во потрага по двајца врвни дефанзивци кои ќе бидат замена за Рудигер и Кристенсен. Едниот најверојатно ќе биде Аке од Манчестер Сити, со кого преговорите се во финална фаза.

Поради тоа во моментов приоритет на Челзи е Калиду Кулибали, кој влезе во последната година од договорот со Наполи и одбива да ја продолжи соработаката.