Чави: Невозможно е сега да го вратиме Меси, но ќе видиме

Во шпанските медиуми овие денови се појави информација дека тренерот на Барселона, Чави Ернандез разговарал со првиот човек на клубот, Жоан Лапорта за можноста за враќање на Меси на „Ноу Камп“.

Чави сепак истакна дека во овој момент не може да се размислува за Меси, меѓутоа не ја исклучува можноста тоа да се случи во иднина.

„Во овој момент Меси има важечки договор со ПСЖ, па нема смисла да се зборува на таа тема. Ќе видиме што може да се случи во иднина. Лапорта веќе кажа дека се надева дека Меси го кажал последниот збор во Барса“, изјави Чави.