Чави го откри главниот приоритет: Имам јасна идеја

Чави Ернандес денес и официјално беше претставен како нов тренер на Барселона.

Легендата не ги криеше своите емоции поради враќањето во неговиот матичен клуб и на првата пресконференција го откри еден од приоритетите.

Чави смета дека Осман Дембеле е многу важен играч во неговиот проект и го повика раководството што е можно побрзо да му го продолжи договорот.

„Имам јасна идеја, Дембеле мора да продолжи во Барселона. На позицијата како крилен напаѓач може да биде најдобар играч во светот и мора да му помогнеме да го оствари тоа. Тој е играч кој може да направи разлика во Барселона. Неговото продолжување на договорот е приоритет“, изјави Чави.