Чави бара наследник на Бускетс, има три опции

Барселона е во потрага по квалитетен играч за врска кој ќе може да го замени Серхио Бускетс, пренесуваат каталонските медиуми.

Чави и раководството направиле список од три имиња и тоа, Мартин Субименди од Сосиедад, Рубен Невеш од Вулверхемптон и Чуамени од Монако.

Бускетс е на залез на кариера и може да ја напушти Барселона, па приоритет на клубот ова лето ќе биде да доведе фудбалер со негови карактеристики.

Прва желба е Субименди, но проблемот е што 23-годишниот Шпанец има договор со Сосиедад до 2025 година, а неговата откупна клаузула изнесува 60 милиони евра.

Чуамени исто така е скапа опција, неговата цена изнесува 60 милиони евра, но конкуренцијата за неговиот потпис е огромна.

Најизгледна варијанта е Рубен Невеш кој сигурно ќе го напушти Вулверхемптон ова лето, а неговата цена е 40 милиони евра.