Хјустон реди порази, Индијана го изненади Далас, Дончиќ до нов дабл-дабл (ВИДЕО)

Хјустон продолжи со лошите настапи, изненадувачки пораз дома запиша и Далас.

Рокетси четврти пат во низа се поразени, сега подобар од нив беше Орландо и тоа со убедливи 126:106. Најаефикасен во победата беше Аугустин со 24 поени, додека значаен допринс со по 16 поени и скокови даде Никола Вучвевиќ. Кај поразените најефикасни беа двете први ѕвезди на Хјустон Расел Вестбрук (24) и Џејмс Харден (23).

Индијана го изненади Далас на гости победувајќи го со 109:112. На домаќинот не му помогна ниту новиот одличен настап на Лука Дончиќ кој натпреварот го заврши со 36 поени и 10 скокови. Гостите со 20 поени и 17 скокови ги предводеше Домантас Сабонис.

Продолженија беа играни во Кливленд каде што домаќинот славеше над Сан Антонио со 132:129. Во натпреварот со неколку пресврти подобро се најде тимот предводен од Андре Драмонд кој натпреварот го заврши со 28 поени и 17 скокови.

Победи запишаа уште Њујорк Никси над Детроит 96:84, потоа Мајами над Вашингтон со 89:100 и Торонто над Сакраменто со 113:118.