Херојски потег во Охрид: Фудбалерот Мерсовски спасил три деца од давење!

Денес во Охрид се случи еден херојски потег, фудбалерот на ГФК Охрид спаси три малолетни деца кои се давеле во охридското езеро.

Мерсовски во изјава за порталот „Њуз1.мк“ го опиша случајот.

„Најпрво мислевме дека играат и покрај тоа што е чудно ова време во вода да се капат, но многу брзо сфатив дека нешто не е во ред. Многу луѓе кои се шетаа по кејот застанаа и гледаа. Од обала се гледаше дека се обидуваат да испливаат, но дека не можат. Веднаш скокнав по нив. Како ги влечев ги подавав на другарите да ги извлечат од водата“, изјави Мерсовски.

Фото: „Њуз1.мк“