Херојот Бејл најави заминување: Разочарам сум!

Герет Бејл синоќа беше херој за Реал Мадрид во освојувањето на третата последователна титула во Лигата на шампиони.

Велшанецот мечот го започна од клупата за резерви, а во игра влезе во 60-та минута при резултат 1:1 и постигна два прекрасни гола.

„Бев разочаран што започнувам како резерва, но тоа беше одлуката на тренерот. Кога ќе влезам како замена, се обидувам да оставам впечаток, и мило ми е што го сторив тоа“, изјави Бејл по мечот.

„Имам потреба да играм секоја недела. Треба да размислам добро во следните неколку дена. Ќе разговарам со мојот агент и ќе донесам одлука за мојата иднина“, додаде Велшанецот.

„Да, тоа е најубавиот гол кој го постигнав во кариерата, и тоа уште во финалето на Лигата на шампионите. Не постои поголем пиедестал од овој. Но, на крајот, победата е најважна“, изјави Бејл за голот со ножички.