Халанд: Молчев од почит кон навивачите, но ме притискаат да донесам одлука

Ерлинх Халанд е еден од главните теми за време на преодниот рок.

Во последниот натпревар против Фрајбург во победата од 5:1 Халанд постигна два гола, а по натпреварот откри дека има голем притисок од управата на клубот. Челниците на Борусија го притискале Халанд побрзо да донесе одлука и тоа не му се допаѓа на 21-годишниот напаѓач.

„Во претходните шест месеци не сакав да зборувам за мојата иднина од почит кон клубот. Но, сега веќе почнаа да ме притискаат да донесам одлука. Мојата желба е да играм фудбал, но ме притискаат и тоа значи дека наскоро ќе одлучам. Молчев од почит кон навивачите и клубот, меѓутоа во ваква ситуација некои работи ќе мораат да се случат“, изјави Халанд.

За Борусија Дортмунд Халанд одигра 77 натпревари и постигна 78 голови.