Франција остана без еден од најважните ракометари, на негово место повикан соиграчот на Лазаров

Француската репрезентација во продолжение од Европското првенство не ќе може да смета на еден од своите најдобри ракометари.

Одличниот ракометар Тимотни Н’Гуесан поради повреда на предниот лигамент отпадна од составот на Французите.

Тимотни се повреди во првиот дел од натпреварот против Белорусија кога падна и го повреди коленото, а после укажаната помош повеќе не влезе во игра.

Не се работи за сериозна повреда, но ќе мора да паузира најмалку две недели. Она што за францускиот селектор Динарт е поголем проблем е што Тимотни беше единствениот вистински лев бек, па на негово место беше повика соиграчот на Лазаров од Нант, Лаграде.