Фановите на Јунајтед спремаат нови протести пред дербито со Ливерпул

Навивачите на Манчестер Јунајтед планираат повторно да го искористат престојното дерби со Ливерпул за протести против сопствениците на клубот.

Во мај најголемото англиско дерби беше одложено поради масовен протест пред Олд Трафорд, каде имаше и судир на фановите со полицијата. Тогаш повод за протестот беше одлуката на сопствениците да бидат дел од Суперлигата.

Семејството Глејзер мислеше дека ги смири страстите на фановите кога ова лето ги донесе Роналдо, Санчо и Варан, но навивачите спремаат нови протести.

Повод ќе бидат и лошите резултати на тимот на Солскјер кој победи само еднаш во последните пет меча.