Фалкао: Кловнови! Луѓе умираат, а вие жонглирате со тоалетна хартија!

Легендарниот футсал играч, Фалкао преку социјалните мрежи порача дека нема да го прифати предизвикот – да жонглира со тоалетна хартија.

Тој предизвик стана вирален на интернет и многу фудбалски ѕвезди го прифатија, а Фалкао остро ги искритикува сите.

„Ситуацијата со коронавирусот е исклучутелно тешка. Затоа е важно да се нагласи дека постојат разни други, многу посериозни, начини да се подигне општата свест. Важно е да се задржи фокусот на опасностите од овој вирус и начините како да се спречи истиот, а не да се шират бесмислици како ова со жонглирањето со тоалетна хартија“.

„Всушност, оние кои тоа го прават, како некои кловнови шутираат артикал важен за одржување хигиена, а кој го нема доволно и луѓе се тепаат за него“, истакна Фалкао.