Уште една лига прогласи крај на сезоната без шампион

Во Мексико е одлучено по кратка постапка да ја прекинат сезоната.

Фудбалското првенство во Мексико одигра 10. кола пред да се прекине првенството поради коронавирусот, а после повеќемесечни преговори е донесена одлука сезоната да биде прекината.

Главна причина е секако пандемијата која во Мексико не стивнува. Дури осум играчи се заразени во третопласираната екипа Сантос Лагуна, па одлуката беше очекувана.

„Девет клубови ја поддржаа оваа одлука.“ – пишуваа тамошните медиуми.

Мексиканците одлучиле да ја поништат табелата без прогласен шампион, но Круз Азул и Леон кои се наоѓаат на врвот ќе учествуваат во следното издание на КОНКАКАФ.

Следната сезона треба да започне на средината на јули.