Ужас: Фудбалер со македонско потекло се бори за живот по страшен судир!

Страшна сцена беше видена во натпреварот од Источната регионална лига во Австрија, помеѓу екипите на ВСЦ и ТВЛ Електра Виена кој беше прекинат откако капитенот на домашната екипа Филип Димов остана неподвижен да лежи на тревата по еден жесток судир.

Димов кој има македонско потекло во овој момент е во вештачка кома, објави неговиот клуб.

Инцидентот се случил по судир со играч на Електра Виена, а по судирот тој веднаш изгубил свест.

Многу брзо на теренот имало спасувачка екипа, додека Димов со хеликоптер бил пренесен во наблиската болница.

Во текот на денот се очекуваат повеќе информации.