Убав гест на Манџукиќ: Се откажа од платата за месец март

Напаѓачот на Милан Марио Манџукиќ се реши на еден убав гест.

Манџукиќ поради повреда неколку недели не е во составот на Милан, поради тоа иако по договорт му следува Хрватот одлучил да се откаже за платата за месец март.

Неговиот потег го поздрави и газдата на клубот Паоло Скарони.

„Прекрасен гест од Марио и тоа е само доказ за неговата етика и професионализам“, изјави Скарони.

Милан сепак нема да ја заштеди сумата која требаше да ја добие Манџукиќ и ќе ја донира во хуманитарни цели.

Манџукиќ последниот настап за Милан го имаше на 18. март кога „росонерите“ играа против Црвена Звезда.