Туре: Ван Дајк е неверојатен, но мислам дека има една слабост

Поранешниот дефанзивец на Арсенал и Ливерпул , Коло Туре зборуваше за сегашниот столб на одбраната на Црвените, Вирџил ван Дајк.

Откако пристигна во Ливерпул, Ван Дајк покажа дека се работи за стопер со квалитет од светска класа.

И Коло Туре смета дека Ван Дајк е неверојатен. Сепак, верува дека постои барем еден начин напаѓачите да го надмудрат.

„Немам видено многу фудбалери кои се обидуваат да тргнат во ситуација 1 на 1. Според мое мислење тоа е негова слабост. Многу е висок и ако го одлучно нападнете со топката може нешто да направите.“ – изјави Туре и додаде:

„Многу паметен играч. Го има Џо Гомез и уште многу други добри играчи кои му помагаат. Мислам дека тоа му ја прави играта полесна.“