Три сезони по ред беше најдобар играч на Лидс, а сега ќе игра за третолигаш

Пабло Хернандез најголемиот дел од својата кариера го помина настапувајќи за Валенсија и Лидс.

Со Лидс во сезоната 2019/2020 се избори за промоција од Чемпионшип во Премиер лигата. Настапувајќи за англискиот тим три сезони во низа беше избиран за најдобар играч од сезоната 2017/18 до 2019/20.

Денес Хернандез на 36 години потпиша договор со шпанскиот третолигаш Кастељон. Ова за Хернандез е враќање во клубот од родниот град кој го напушти пред 18 години за да премине во Валенсија.

Со Кастељон Хернандез потпиша договор на три години и ќе се обиде да го врати тимот во второлигашката конкуренција од каде што отпадна минатата сезона.