Тотенхем ја намали цената за Ериксен, на потег е Реал Мадрид

Раководството на Тотенхем се поврзало директно со Реал Мадрид за да му понуди трансфер на Кристијан Ериксен, открива „Марка“.

Ериксен јавно потврди дека сака нов предизвик во кариерата и дена да го продолжи договорот со Тотенхем, па „спарси“ сакаат да заработат на неговото заминување, бидејќи неговиот догоговор истекува на крајот на сезоната.

Шефот на „петлите“ Даниел Леви остварил контакт со генералниот менаџер на Реал Мадрид, Хозе Анхел Санчез и двајцата разговарале за можноста за договор.

Тотенхем најпрво за потписот на Ериксен бараше 100 милиони евра, но сега би се сложил на продажба и за 70 милиони евра, тврди „Марка“.

„Кралевите“ не ја отфрлиле можноста да го купат Данецот, но прво ќе се насочат кон Пол Погба, кој е прва опција, а во Ериксен гледаат алтернатива.

Актуелниот договор на Кристијан Ериксен со Тотенхем истекува во јуни 2020 година, што значи дека Данецот мора да биде продаден ова лето, или следното ќе замине како слободен агент.