Тим елиминиран од Вимблдон, Федерер рутински

Изненадувањата на Вимблдон продолжија и на вториот натпреварувачки ден, откако беше елиминиран Доминик Тим, додека Федерер рутински стигна до победа.

Американецот Сем Квери го победи Тим, кој пред месец дена играше во финалето на Ролан Гарос за два ипол часа (6:7, 7:6, 6:3, 6:0).

Федерер стигна до рутинска победа против Харис, иако го загуби првиот сет. Швајцарецот не почна најдобро, загуби со 3-6 во првиот сет, но следните три ги доби многу убедливо со 6-1, 6-2 и 6-2.

Во следното коло Федерер ќе игра со подобриот од дуелот меѓу Кларк и Рубин.