„Тајмс“ ексклузивно пренесува: Челзи го сака Диего Симеоне!

Реномираниот англиски медиум „The Times“ пренесува навистина интересна вест.

Наводно Челзи како замена за Антонио Конте го сака тренерот на Атлетико Мадрид, Диего Симеоне.

Клубот всушност и нема намера да го отпушти Конте, но во поглед на трансферите и менаџментот, постои очекување до двете страни да дојде до спогодбена разделба на лето.

Италијанецот потпиша нов договор минатото лето, но не ја продолжи неговата важност, па после оваа сезона ќе има само уште една година.

Токму поради тоа Челзи бара алтернатива, а Симеоне како што пишува „Тhe Times“ e на врвот на нивните желби.

Постојат информации дека Конте имал листа на посакувани трансфери во текот на летото која не била испочитувана и дека поради тоа бил незадоволен. Поради тоа негово заминување од „Стенфорд Бриџ“ и не е невозможно. Како ниту доаѓањето на Симеоне кој во Премиер лигата би добил шанса да работи на нов предизвик.