Супер тандемот Меси – Суарез е поефикасен од сите клубови во Ла Лига!

Екипата на Барселона вчера го победи Леганес во Ла Лига со резултат 3:1, а два од трите погодоците на Каталонците ги постигнаа Меси и Суарез.

Меси натпреварот го започна од клупата за резерви, но во второто полувреме влезе во игра и ја потврди победата на Барселона во финишот.

Претходно по неговото влегување во игра погоди Луис Суарез за 2:1.

Оваа сезона Меси и Суарез во Ла Лига постигнаа 33 голови, а тоа е повеќе од сите останати клубови во шпанското првенство.

До супер тандемот Суарез-Меси најблиску се Леванте и Селта со по 32 погодоци, додека цел Реал Мадрид има три гола помалку.

Барселона во Ла Лига во досегашниот дел од сезоната е најефикасен тим во првенството со 56 постигнати погодоци.