Суарез: Ништо не е готово, Валенсија е добра на свој стадион

Уругвајскиот напаѓач од редовите на Барселона, Луис Суарез по синоќешната победа против Валенсија порача дека сеуште ништо не е готово.

Барселона потешко од што се очекуваше ја победи Валенсија со минимални 1:0 и се уште не го осигура пласманот во финале, а истото го мисли и стрелецот на единствениот погодок Луис Суарез.

„Во прашање е минимална предност, пред нас се уште 90 минути игра. Валенсија е секогаш силна кога игра дома, а тоа посебно ќе биде случај на така важен натпревар.“ – изјави Суарез по натпреварот.

Реванш натпреварот се игра за шест дена на Месталја.