Стопиран фудбалот и кај нас!!

Коронавирусот стопираше скоро се во Европа, па така е стопиран и фудбалот кај нас.

Фудбалската федерација на Македонија денес објави соопштение во кое порачува дека поради превентива на неодредено време ги прекинува првата, втората и третите лиги во македонскиот фудбал. Освен тоа стопирани се и натпреварите од женскиот шампионат и првенството во футсал.

„Натпреварувачката комисија во рамки на Фудбалската федерација на Македонија донесе одлука за прекин на неодредено време на Националниот шампионат од Прва и Втора МФЛ, потоа Третите лиги од МФЛ, како и натпреварите од женскиот шампионат и првенството во футсал.

Одлуката е донесена по последните препораки и забрани од Министерството за здравство за превенција од вирусот COVID – 19, кои опфаќаат забрана на сите јавни и приватни собири, без разлика на обемот и бројката на учесници – концерти, театри, кина, спортски сали, теретани. Претходно, согласно препораките и забраните од Владата на Македонија за превенција од вирусот COVID – 19 , Комисијата за младински фудбал донесе одлука сите натпревари од младите категории и натпреварите од Детските лиги на ФФМ да се суспендираат во наредните две седмици“, стои во соопштението од ФФМ.