Србите можат да бидат горди: По едно нешто се издвојуваат од сите репрезентации на Мундијалот!

Mундијалот во Русија започнува за само три дена и очекувано во пресрет на почетокот се појавуваат интересни факти за дел од репрезентациите.

Дали знаете која е најмладата репрезентација на Мундијалот? (репрезентација која има најмногу млади играчи)

Селекцијата која во Русија тргна со најмногу играчи под 23 години е нашиот сосед Србија.

Србите во својот ростер од 23 играчи имаат дури деветмина играчи под 23 години, зад нив следат Франција со осум, Нигерија и Мароко со по седум, Перу, Португалија и Тунис имаат по шест, Англија Уругвај и Германија по петмина.

Ова секако е позитивен податок за „Орлите“ кои говори дека имаат на што да се надеваат во иднина. Еден од фудбалерите кои нема 23 години е ѕвездата на оваа репрезентација која е баран од голем број клубови во Европа, Сергеј Милинковиќ Савиќ.