Спалети: Тешко ќе одбиеме 100 милиони за Осимен

Тренерот на Наполи, Лучано Спалети по ремито со Фиорентина изјави дека клубот тешко би одбил евентуална понуда од 100 милиони евра на Манчестер Јунајтед за Виктор Осимен.

Во последните денови се појавија информации дека Жорге Мендеш работи на трансфер на Роналдо во Наполи, а во исто време сака да го однесе Осимен за 100 милиони евра на „Олд Трафорд“.

Иако е сам крај на преодниот рок, сепак на Спалети му е јасно дека Наполи нема моќ да одбие таква понуда доколку пристигне од Јунајтед.

„Немам време да размислувам за шпекулациите дека го земаме Роналдо и го продаваме Осимен, имаме натпревари на неколку дена. Клубот размислува за овие работи. Но, ако некој клуб ви понуди 100 милиони евра, не е лесно да кажете „не“. Откако пристигнав овде, сите играчи можат да бидат продадени со добра понуда“, изјави Спалети.