Сопственикот на Јувентус му одговори на Ал Тани: Покажете респект кон Роналдо!

Шеикот Ал Тани кој е брат на Емирот од Катар и сопственик на ПСЖ вчера на Твитер објави фотографија од Меси и Роналдо во дресот на ПСЖ.

Ал Тани прв го објави трансферот на Меси, па неговата објава направи „бум“ и медиумите ја протолкуваа како можен трансфер на Роналдо во Париз.

Јувентус, не реагира на вакви објави на социјалните мрежи, но тоа го направи Лапо Елкан, внук на Џани Ањели, и прв човек на компанијата која стои зад италијанскиот клуб.

„Роналдо е фудбалер на Јувентус, крајно непочитување е да му лепите дресови на друг клуб како да е стикер.Ако замине во друг клуб, каде и да оди, ќе добие почитување како човек и спортист. Затоа што за нас, фудбалот е страст, со генерации..“, одговори Елкан.