Сопругата на Гундоган прави проблеми во соблекувалната на Барселона?

Според пишувањето на шпанска Марка, во соблекувалната на Барселона се одвива драма, а една од главните протагонистки е Сара Арфауи, сопругата на ѕвездата на каталонците, Илкај Гундоган.

Во написот со наслов „Сопругата на Гундоган ја разгорува контроверзноста во соблекувалната на Барселона: Војна на вкрстени пораки“, „Марка“ го опишува тоа како што се случува во контекст на елиминацијата на Барселона од Лигата на шампионите од страна на ПСЖ.

По натпреварот Гундоган беше многу разочаран и индиректно го прозва својот соиграч Роналд Араухо, кој доби црвен картон при резултат 1:0 за Барселона (вкупно 3:1), по што се тргна во погрешна насока за Шпанците.

„Многу сум разочаран од тоа колку лесно им дозволивме да ни направат пресврт. Во таква ситуација морате добро да размислите, подобро е дури играчот и да постигне гол отколку да останете со играч помалку“, изјави Гундоган.

Ваквата порака не му се допадна на Араухо, а во негова одбрана скокнаа францускиот дефанзивец Жил Кунде и Серхи Роберто кои на социјалните мрежи порачаа дека „секогаш победуваат и губат како тим“, а шпанските медиуми пишуваат дека тоа е јасна порака до Гундоган.

По тие пораки сопругата на германскиот фудбалер одлучи да возврати

. “Овој човек работи напорно. Секој ден размислува како да биде подобар и секогаш дава сè за тимот. Неговиот менталитет е менталитет на освојувач на тројна круна”, објави манекенката потсетувајќи на минатата сезона во која Сити беше исклуително успешен.