Солари ја продолжи „војната“: Директно му одговори на Иско

Денес Сантијаго Солари присуствуваше на редовната прес-конференција пред големото градско дерби против Атлетико Мадрид овој викенд.

Конференцијата Солари ја искористи да одговори на пораката од Иско која Шпанецот вчера ја испрати преку социјалните мрежи.

Иско преку пораката јавно истакна дека според него Солари кон него нема ист третман како кон останатите фудбалери.

Солари зборуваше на оваа тема.

„Професионалниот фудбалер треба 100% да се ангажира на секој тренинг и да биде на услуга на тимот. Ние сега имаме одличен тим со добри играчи. За нас најважни се резултатите на тимот, а не поединците“, порача Солари.