Си добива 40.000 фунти неделно, а не заиграл за клубот две години

Хари Артер е фудбалер кој не заиграл две години, но сепак редовно си добива плата.

Тој е член на Нотингем Форест каде што не заиграл долго време, во изминататите две години не одиграл ниту минута, но и понатаму не го раскинува договорот од кој заработува 40.000 фунти неделно.

Двете страни потпишаа богат договор во 2020 година кога клубот беше во Чемпионшип, а последниот натпревар Артер го изигра во 2021 година против Престон.

Беше и на позајмици во Чарлтон и Нотс Каунти, но платата му ја исплаќаше Нотингем за кој немаше никаков допринос.

Вкупно за Нотингем настапи на само 14 натпревари од неговото доаѓање.