Сити нема пари за две ѕвезди, се откажува од Хари Кејн!?

Пеп Гвардиола во летниот трансфер период има две големи желби, а тоа се Џек Грилиш и Хари Кејн.

Меѓутоа како што стојат работите многу тешко дека тоа ќе може да се реализира. Имено „Манчестер Ивнинс Њуз“ пренесува дека „граѓаните“ ќе можат да купат само еден од двајцата фудбалери.

Трансферот на Грилиш од Астон Вила е пред реализација за 100 милиони фунти, а тоа значи дека Сити се откажува од Хари Кејн.

Напаѓачот на Тотенхем има договор за уште три години и претседателот Даниел Леви не е подготвен да го пушти за помалку од 150 милиони фунти.

„Граѓаните“ нема да можат да ја платат таа сума, доколку го комплетираат трансферот на Џек Грилиш.