Сите го „селат“ во Барса, а сега се ОГЛАСИ и Кутињо

Фудбалерот на Ливерпул, Фелипе Кутињо се огласи во јавноста по повод новите шпекулции за неговата иднина.

Како што е добро познато, Барселона во текот на летото силно го посакуваше Фелипе Кутињо во своите редови, а сега се очекуваат нови напади веќе во јануари.

По повод оваа ситуација се огласи и Бразилецот.

„Играм во една од најдобрите лиги во светот и навистина сум среќен тука. Но, сега ми е важно да се сконцентрирам на репрезентацијата на Бразил. Во овој момент сум задоволен од својот живот“, изјави Кутињо.

Кутињо со репрезентацијата на Бразил во вторник на „Вембли“ ќе одигра пријателски натпревар против Англија. Тој од 22 октомври беше надвор од терените поради повреда, но сега се опорави и најави дека ќе биде спремен за настап против Англија.

„Јас сум 100% спремен. Бев повреден и пропуштив неколку натпревари, но сега се враќам и подготвен сум за овој натпревар. Секогаш е голема чест да се носи дресот на репрезентација“, изјави 25 годишниот фудбалер.