Симеоне бара промени од раководството на Ла Лига: Би било добро да биде како во Англија

Новата сезона во шпанската Ла Лига започна овој викенд, но преодниот рок во Шпанија и натаму трае.

Тренерот на Атлетико Мадрид, Диего Симеоне, смета дека преодниот рок за шпанското првенство треба да биде затворен пред почетокот на новата сезона.

Преодниот рок за сезона 2019/20 останува и натаму отворен до 2. септември иако првенството веќе започна, а Симеоне сака тоа да се промени.

„Мислам дека сите тренери во Ла Лига посакуваат тоа да се промени на начин како што сега е во Англија.“

„Сигурен сум дека поголемиот дел од тренерите ја градат екипата пред првиот натпревар во сезоната.“

„Би било психички подобро за сите кои се вклучени кога преодниот рок ќе се затвори и сите ќе бидат фокусирани на оние играчи кои ќе играат. Сега мора да го чекаме 2. септември и може да дојде до промени.“ – изјави тренерот на Атлетико.

Атлетико вечерва од 22 часот ќе го одигра својот прв натпревар во новата сезона на домашен терен против Гетафе.