Се сеќавате на Бразилецот Едуардо од Арсенал? – Денес доби нов клуб!

Ништо од враќањето во Хрватска и трансферот во Ријека.

Едуардо Да Силва во вториот дел од сезоната ќе настапува во тимот на Легија Варшава. Ова денес го потврди полскиот клуб на своите официјални страници.

Бразилецот со хрватски пасош денес пристигна на лекарски прегледи, а во текот на денот се очекува и да стави потпис на договор.

„Го познавам Едудардо уште од кога имаше 15 години и знам дека доколку ја немаше тешката повреда во Арсенал ќе прераснеше во еден од најдобрите напаѓачи во светот. Тој секогаш беше напаѓач со неверојатни вештини. Верувам дека неговото искуство и глад за голови многу ќе ни помогнат, тој би требало да биде пример за нашите помлади фудбалери“, соопштија од клубот.