Се појави нов проблем со клубовите во Серија А

Повеќето од италијанските клубови не се согласуваат со здравствениот протокол кој е предложен од властите за обновување на тренинзите и евентуално натпреварите.

Според италијанските медиуми од 20 клуба во Серија А само Лацио, Јувентус и Џенова ги прифатиле мерките, а останатите 17 клуба се изјасниле негативно, со што е доведена во прашање иднината на сезоната на Серија А.

Клубовите сакаат редукција и промена на некои мерки, кои сега изгледаат многу ригорозно.

Планот е тренинзите да се обноват на 4-ти мај, а сезоната официјално да продолжи на почетокот на јуни.

Сепак, натпреварите ќе се играат без публика и со посебен протокол со 20 правила кои се поврзани со тренинзите, патувањата, постојано тестирање на КОВИД 19, дезинфекција итн.

Повеќето клубови бараат промена на правилата.