Се огласија од Наполи: Анчелоти ја има целосната поддршка

Италијанските медиуми веќе неколку дена шпекулираат со иднината на Анчелоти и тврдат дека Наполи му спрема отказ, а денес претседателот на клубот категорично ги демантираше таквите тврдења.

Аурелио Де Лаурентис ги отфрли сите шпекулации дека Анчелоти ќе биде сменет и тврди дека тренерот ја има целата негова поддршка.

„Јас безрезервно му верувам на Карло и како тренер, а и како човек. Каква смена на тренер? Со никого не сум разговарал, ниту некого сум го барал. Јас ништо немам решено, зашто сезоната е во тек. Ниту сум се јавил кај Гатузо, ниту кај Спалети. Со Алегри се знаеме од 2013 година и разговаравме, ама не за оваа ситуација“, изјави Де Лаурентис.