Сетиен пред отказ, Барса тргнува по Алегри

Големо разочарување владее во таборот на Барселона после загубената титула, а сметката за тоа најверојатно ќе ја плати Кике Сетиен.

Од Сетиен многу се очекуваше кога доби прилика да го превземе гигантот од Каталонија, но само шест месеци подоцна се наоѓа на излезни врати и изгледа дека само прашање на време е кога ќе добие отказ.

Раководството најверојатно ќе му дозволи да ја доигра сезоната и да се обиде да ја освои Лигата на шампиони, но веќе размислува за нов тренер.

Може да се случи и Сетиен да не ја води Барселона во август против Наполи во Лигата на шампионите, односно да добие отказ во наредните денови.

Италијанските медуми пренесуваат дека прв избор на Барселона е Алегри и веќе стапиле во контакт со италијанскиот стратег.