Сенегал лесно против домаќинот Катар

Сенегал го надигра домаќинот Катар и стигна до лесна победа од 3:1 во вториот меч од Групата А на Мундијалот.

Од самиот старт Сенегал тргна да ја оправда улогата на фаворит, а Катар уште еднаш ги покажа своите лимити, иако е домаќин на Мунидјалот.

Во 38-та минута Акрам Афиф имаше одлична шанса, но падна во шеснаесетникот после еден дуел, но судијата не досуди пенал.

Неколку минути подоцна Сенегал казни преку Диа и поведе со 1:0, резултат со кој се замина на полувреме.

На стартот на вториот дел Сенегал зголеми на 2:0 и тоа како да ги „отрезни“ Катарците кои веднаш заиграа похрабро и создадоа неколку одлични шанси.

Конечно во 78-та минута Катар го постигна својот прв гол на Светските првества и преку Мунтари намали на 1:2. Но Сенегал само неколку минути подоцна повторно ја зголеми предноста и зголеми на 1:3 преку Диенг, што на крајот се покажа како конечен резултат.