Сампаоли: Разочарани сме, но ова е само почеток!

Селекторот на Аргентина, Хорхе Сампаоли логично не беше задоволен после ремито со Исланд на стартот на Светското првенство.

„Гаучостите“ иако важат за едни од фаворитите во Русија, сепак не успеаа да го победат дебитантот и делуваа неубедливо.

„Разочарани сме од резултатот бидејќи Аргентина во секој меч излегува за да победи. Противникот беше многу организиран во одбрана и не успеавме да го материјализираме поседот на топката. Меѓутоа, првенството само што започна, треба да ја научиме лекцијата и да останеме силни“, смета Сампаоли.

„Секој меч е приказна за себе, меѓутоа ни треба сериозна анализа зошто примивме гол кога имавме толку играчи во одбрана. Не можам да ја оченам веднаш играта на Меси, но за него можам да кажам дека секогаш сака да победува“, додаде селекторот на „гаучосите“.