Садио Мане постави неверојатен рекорд во Премиер лигата: Ваква низа тешко дека ќе направи некој друг!

Eкипата на Ливерпул во последните две сезони игра одлично и често пати руши рекорди во Премиер лигата.

Скоро две недели после натпреварот со Арсенал од Ливерпул објавија дека нивниот фудбалер срушил неверојатен рекорд.

Имено, Мане настапи против Арсенал во победата од 3:1 и тоа за него беше 50-ти натпревар во низа во Премиер лигата на „Енфилд“ без пораз.

Тој во Ливерпул пристигна во 2016 година, а од тогаш не изгубил ниту еден натпревар на домашен терен во Премиер лигата.

Со него во тимот Ливерпул на „Енфилд“ има учинок од 40 победи и девет нерешени. Тој останат еден натпревар е од дресот на Саутемтптон кога против Ливерпул одигра 1:1, всушност и од тој натпревар Мане ја започна оваа низа.