Сагата продолжува: Првата понуда на Реал Мадрид за белгиската ѕвезда

Мадридски Реал ја подготви првата понуда за ѕвездата на лондонски Челзи, Еден Азар.

За услугите на 26-годишниот Белгиец, Кралевите подготвија почетна сума од 135 милиони евра.

Азар е одамна желба на Реал Мадрид. Белгиецот одлучи да го одбие новиот договор кој му го понуди актуелниот англиски првак и тоа беше јасна порака дека сака да ги напушти редовите на „Плавите“.

Сумата од 135 милиони евра е првата која Реал ја понуди. Се чека одговорот на Челзи кој веројатно бара десеттина милиони евра повеќе, бидејќи Белгиецот е врзан со договор до 2020. година.

Еден Азар е член на лондонскиот тим од 2012. година. Тогаш „Плавите“ ги избра пред Реал и не погреши. Во Челзи стекна голема репутација, а одигра 274 натпревари на кои постигна 80 погодоци.