Роналдо на Инстаграм ја блокирал најпознатата страница за вредност на фудбалерите

Кристиано Роналдо се скарал со специјализираната страна за вредност на фудбалерите „Трансфермаркт“.

Роналдо бил лут затоа што му ја намалиле вредноста од 90 на 75 милиони евра па ги – блокирал на Инстаграм! Сега Португалецот според оваа страница цреди скоро двојно помалку од Лионел Меси кој „Трансфермаркт“ го проценува на 140 милиони евра.

Оваа страница со вредноста го стави Роналдо на 45. позиција, па Португалецот не им останал должен. Тие сакале да го означат на објава на Инстаграм, но тогаш забележале дека не можат затоа што Роналдо ги блокирал.

„Не можеме да го означиме затоа што не блокирал. Ни кажа дека не е задоволен од тоа како сме му ја процениле неговата вредност“, соопштија од „Трансфермаркт“.

Инаку, според оваа страница најголема вредност во овој момент има Килијан Мбапе, 200 милиони евра.