Рома не запира: Тргнува по Ковачиќ

Рома е најактивниот клуб на трансфер пазарот ова лето и веќе донесе девет нови засилувања, но не мисли да застане.

Италијанските медиуми пренесуваат дека следната голема желба на „волчицата“ е играчот за врска на Реал Мадрид и хрватски репрезентативец, Матео Ковачиќ.

Спортскиот директор Мончи веќе стапил во контакт со агентот на Ковачиќ, кој јавно потврди дека сака ова лето да го напушти Реал Мадрид во потрага по поголема минутажа.

Ковачиќ е сака да се врати во Серија А и е спремен да и каже ДА на Рома, но проблем може да биде сумата од 50 милиони евра која „кралевите“ ја бараат како обештетување за Хрватот.