Рома „краде“ уште една ѕвезда на Јувентус

Минатото лето Рома го доведе Пауло Дибала без обештетување, а сега сака уште една ѕвезда од Јувентус.

Имено, Рома покажува силен интерес за Хуан Квадрадо, кој е на излезна врата од Јувентус.

Договорот на Колумбиецот истекува на крајот на сезоната, а нема најави за негово продолжување.

Рома сака да ја искористи таквата ситуација и да го доведе на „Олимпико“ без обештетување, па веќе стапила во контакт со неговиот агент.

Мурињо верува дека Квадрадо одлично ќе се вклипи во тимот бидејќи може да игра на неколку позиции и дека се уште може да игра на врвно ниво.