Рома и Милан го бојкотираат „Кориере дело Спорт“: Забрана за нивните новинари

Утринава „Кориере дело Спорт“ излезе со насловна страна која ги шокира сите во италија и беше окарактеризирана како расистичка.

Целата јавност во Италија го нападна весникот, а Милан и Рома први презедоа конкретни чекори и излегоа со заедничко соопштение.

Двата клуба објавија дека на новинарите на „Кориере дело Спорт“ им е забранет влез на стадионот, на тренинзите, пресконференциите…

„Веруваме дека играчите, клубовите, навивачите и сите медиуми мора да бидат обединети во борбата против расизмот и мора да преземеме одговорност кога ќе погрешиме. За овој „Црн петок“ наслов во весниците, Милан и Рома одлучија да им забранат на новинарите на „Кориере дело Спорт“ да ги следат сите случувања и да влегуваат на стадионите каде играат нашите клубови до крајот на оваа година. Исто така нашите играчи нема да даваат изјави за овој весник“, порачаа од Милан и од Рома.

Following the publication today of the front page headline ‘Black Friday’ accompanied by a picture of Chris Smalling and Romelu Lukaku, #ACMilan and @ASRomaEN have issued an immediate ban to the “Corriere dello Sport”.
Full statement ??https://t.co/0KrCNGEWRC

— AC Milan (@acmilan) December 5, 2019