Ристовски: Како поминува времето сфаќаме што направивме

Македонскиот репрезентативец Стефан Ристовски ги сподели импресиите после големата победа над Германија.

Ристовски вели дека ова е многу повеќе од победа на обичен фаворит и дека како што поминува времето, така победата добива поголема тежина

„Како што поминува времето, сфаќаме каков успех направивме. Не победивме само фаворит, победивме голем гигант во светскиот фудбал, селекција која е светски првак. Од Германија доаѓа еден Баерн Минхен, кој е европски шампион“.

„Ова е голем успех за Македонија и треба да ни даде поттик за понатаму, да ги извлечеме позитивните работи и не застанеме. За вакви мечеви се живее, ретко ти се дава шанса да играш и да победиш. Драго ми е што го покажавме тоа на најдобар начин против тим каков што е Германија“, изјави Ристовски.