Ристовски го продолжува договорот со Спортинг!

Заменик капитенот на репрезентацијата на Македонија Стефан Ристовски запиша асистенција во победата на Спортинг против турски Башакешир, а денес португалските медиуми објавија дека дефинитивно ќе потпише нов договор со Спортинг.

Ристовски пред две ипол години дојде во Спортинг од Ријека и има договор до летово, но и клазула во него Спортинг ако сака да му продолжи соработката. Раквоодството на Спортинг сега донело одлука да го продолжи договорот со македонскиот репрезентативец.

Медиумот „Рекорд“ е медиум кој важи за близок до португалскиот клуб, па сега се очекува само официјализирање на соработката.